Olaf aftur innstillaður til Reumert

Føroyski sjónleikarin Olaf Johannessen er á fjóðra sinni nomineraður til stóru donsku sjónleikaravirðislønina, Reumert.

Í 2018 fekk hann Heiðurs Reumertin.

Í ár eru Olaf Johannessen og Jens Albinus í felag nomineraðir fyri mannliga høvðusleiklutin fyri tvíbura leiklutin í ”Det Store Stilehæfte” á Husets Teater. Hetta er fyrstu ferð tveir leikarar í felag eru nomineraðir til prísin. Hinir, ið eru innstillaðir til henda heiður eru Jacob Madsen Kvols fyri sín leiklut í ”Rocky Horror Picture Show” á Aarhus Teater og Ulver Skuli Abildgård fyri leiklutin í ”Jeppe på Bjerget” á Vendsyssel Teater.

Leikurin ”Det Store Stilehæfte” er hartil nomineraður til prísin fyri Ársins leik.

Príshandanin verður 21. september í Folketeatret.