Opið hús í Sloans húsinum

Vinafelagið Føroyar-Ísrael hevur aftur í ár opið hús á Ólavsøku.

Hetta er tíggjuna árið á rað, at fólk hava høvi at støkka inn á gólvið í Sloans húsum, har ein kaffimuður við onkrum góðum afturvið er at fáa.

Filmur úr Ísrael verður at síggja; kunnað verður um arbeiðið í felagnum og ein lítil bóka- og fløgusøla er eisini. 

Báðar dagarnar, Ólavsøkuaftan og Ólavsøkudag er opið kl. 15.00 til 20.00.

Ólavsøkuaftan kl. 16.00 hugleiða Elsa og Róland í Skorini um Ísrael, landið og fólkið. Eisini fara Lena og Niclas at syngja nakrar sangir.