Ósemja endaði við herverki

Fitt av fólki hevur verið í býnum í høvuðsstaðnum í nátt, og í hesum sambandi hevur løgreglan givið fleiri bøtur.

Ein fekk bót og varð handtikin í sambandi við ófriði á einum skeinkistaði stutt eftir klokkan fimm í morgun. 

Tá løgreglan kom á staðið, noktaði viðkomandi at siga løgregluni, hvør hann var, sum øll annars hava skyldu til í slíkum førum.

Løgreglan tók persónin við sær á politistøðina, men eini trý korter seinni slapp hann leysur aftur, tá hann hevði sagt teimum, hvør hann var, sigur vaktleiðarin á politistøðini.

Ein annar persónur varð eisini tikin við uml. 14 gr. av hashi uppiá sær, og tað fær hann eina bót fyri.

Um klokkan hálvgum fimm í morgun var eisini eitt herverksmál skrásett.

Talan var um eina ósemju millum eitt par – ein mann og eina kvinnu – sum endaði við, at maðurin blakaði lutir hjá kvinnuni úr íbúðini, har tey vóru.

Lutirnir fingu skaða, og tí er maðurin nú skuldsettur fyri herverk, sigur løgreglan.