Alda Nielsdóttir
Kasper Kyhl, lækni á Landssjúkrahúsinum, hevur saman við øðrum skrivað grein um kanning av sambandinum millum CTD og hjartasjúkur, skrivar heimasíðan hjá Granskingarráðnum.
Óviðgjørt CTD kann leiða til tjykkri hjartavødda, víðkað hjartakømur og í álvarsligastu førunum til brádligan hjartasteðg. Allar hesar fylgjur kunnu tó fyribyrgjast við karnetintilskoti, sum verður latið sum tablettir.
Enn er tó ógreitt, hvør ítøkiliga orsøkin er til, at CTD-sjúklingar brádliga kunnu fáa hjartasteðg, og ógreitt er eisini, um tað eru smáar broytingar í hjartavøddanum hjá CTD-sjúklingum, sum eru í støðugari viðgerð.
Til ber at kanna, hvussu hjarta virkar, og um arrvevnaður finst í hjartanum, og granskararnir settu sær tí fyri at kanna ein bólk av føroyskum CTD-sjúklingum og at samanbera úrslitini við tey hjá einum eftirlitsbólki av frískum fólkum við sama kyns- og aldursbýti.
Hesar kanningarnar vístu, at nakrir fáir CTD-sjúklingar høvdu arrvevnað, sum eingin frágreiðing var um. Av tí at talan er um lutfalsliga fáar persónar, er óvist, hvør orsøkin til hetta er, og um hetta hevur nakran týdning í mun til CTD, skrivar Granskingarráðið.
Kanningarnar vístu eisini, at CTD-sjúklingarnir høvdu tendens til at hava eitt sindur tjykkri hjartavødda enn tey frísku.
Meira kann lesast her.
Vinarliga broyt tínar kennifíla - og privatlívsstillingar fyri at síggja hetta innihald