Agnar Prestá
Fríggjadagin í farnu viku vrakaði Føroya Pedagogfelag semingsuppsskotið frá Semingsstovninum. Nýggjur sáttmáli skal gerast millum Kommunala Arbeiðsgevarafelagið, Lønardeildina hjá Fíggjarmálaráðnum og Føroya Pedagogfelag - tann seinasti gekk út 1. oktober í fjør - men seinastu tíðina hevur tað verið lítið, ið bendir á, at ein semja av álvara er á veg.
Nú hómast ein glotti, tí Pedagogfelagið hevur nú tikið sambandi upp aftur.
- Seinnapartin í gjár fingu vit skriv frá Føroya Pedagogfelag. Nú fara vit at viðgera tað, og taka síðani støðu til, hvat skal henda, sigur Anita Fuglø, leiðari í Kommunala Arbeiðsgevarafelagnum, við Kringvarp Føroya.
Einki samband hevur annars verið millum partarnar síðani fríggjadagin- bíðað hevur verið eftir hvør øðrum.
Tað er ógreitt, hvat stendur í nevnda skrivi. Tað vil Anita Fuglø ikki upplýa fyri miðlunum, og einki hevur verið at frætt frá Pedagogfelagnum, ið ynskirat fáa eitt betri útspæl.
Vinarliga broyt tínar kennifíla - og privatlívsstillingar fyri at síggja hetta innihald