Reyði Krossur Føroya hevur opið hús leygardagin

Leygardagin 25. november klokkan 10-17 hevur Reyði Krossur "Opið Hús" í Stiðjagøtu 6, Tórshavn.

Talan er um eitt nýtt árligt tiltak hjá Reyða Krossi Føroya, sum skal varpa ljós á alt virksemið hjá felagsskapinum, bæði heima í Føroyum og úti í heimi. Endamálið við tiltakinum er at upplýsa um alt arbeiðið hjá Reyða Krossi og eisini at bjóða nýggjum uppí - sum sjálvboðin ella sum imir.

Grundarlagið undir Reyða Krossi eru tey umleið 400 eldhugaðu sjálvbodnu - uttan tey, kann Reyði Krossur als ikki virka.

Á skránni verður millum annað barnafyrstuhjálparskeiðið, framløgur um arbeiðið hjá Reyða Krossi í stríðsøkjum og tónleikaframførslur.

Øll skráin sæst niðanfyri

Reyði Krossur Føroya