Mentan

Robert-virðislønirnar verða handaðar í kvøld

Føroyski stuttfilmurin "Ikki illa meint" er millum tey tilnevndu

"Ikki illa meint" kann vinna eina Robert-virðisløn í kvøld

2020-01-26 14:32 Author image
Alda Nielsdóttir
placeholder

Tilsamans 30 Robert-virðislønir verða handaðar í Keypmannahavn í kvøld, og er hetta 36. ferð, at Danska Filmakademiið skipar fyri handanini av Robert-virðislønunum.

Millum tey tilnevndu í ár er føroyski stuttfilmurin hjá Andriasi Høgenni, "Ikki illa meint", sum í fjør vann bæði Geytan og Canal+ virðislønina á Semaine de la Critique á filmstevnuni í Cannes.

Tað var síðst í august í fjør, at Robert-tilnevningin hjá føroyska stuttfilminum varð almannakunngjørd. Andrias Høgenni segði tá í samrøðu við Portalin, at hann fegnaðist um, at ein lítil stuttfilmur, har 80 prosent av tí, sum verður sagt, er á føroyskum, kann vekja so stóran áhuga millum fólk aðra staðni í heiminum.

Til ber at stroyma tiltakið á robertprisen.dk.

placeholder
placeholder