Rógvi á tingi fyri fyrstu ferð

Á tingfundinum í gjár tók Rógvi Egilstoft Nielsen sæti á tingi á fyrsta sinni. Brandur Sandoy fór í farloyvi í gjár. Hetta farloyvi kemst av, at Brandur er farin á ST-aðalfund. Tað skrivar jn.fo.

Í tíðarskeiðinum røkir Rógvi tingsessin fyri Fólkaflokkin. Vágamaðurin, ið eisini er kendur sum fótbóltsleikari og ein av allarfremstu telvarunum í Føroyum, stillaði á fyrsta sinni upp Løgtingsvali 31. august. Har fekk Rógvi E. Nielsen 228 atkvøður, og harvið gjørdist hann nummar 13 á listanum hjá Fólkaflokkinum.

Rógvi verður harvið við til tingfundirnar, ið eru á skránni í morgin, hósdagin og fríggjadagin.