Alda Nielsdóttir
Vikuskiftið 16. - 18. august verður aftur skipað fyri Ljósfest í Vági.
Nógv verður á skránni - eitt nú barnatiltak, søla av handvrikaðum, listaframsýning og nógvur tónleikur - og Vágs kommuna hevur nú avdúkað fyrsta tónleikanavnið, sum fer at framføra.
Fyrsta navnið er Ronnie og Maria við bólki.
Ronnie var á pallinum til fyrstu Ljósfestina, sum var í 2021. Tá spældi hann saman við kæra vini sínum og sála George Eystan Á. Ronnie kemur hesa ferð til Ljósfest at framføra saman við dóttrini Mariu Ronnisdóttir á Heygum.
– Maria hevur longu bergtikið okum víð vøkru røddini. Maria er dóttur Ronnie Nielsen og Rúnu á Heygum, tey eru jú bæði tvey, tey heilt stóru nøvnini innan føroyskan tónleik í áravís, skrivar Vágs kommuna.
Ronnie og Maria koma at framføra á stóra pallinum leygarkvøldið 17. august.
Vinarliga broyt tínar kennifíla - og privatlívsstillingar fyri at síggja hetta innihald