Royna at forða uppsøgnum í privatu vinnuni

At Føroyar fer niður í ferð kann kosta vinnufyritøkunum nógv, og Føroya Arbeiðsgevarafelag arbeiðir nú saman við landsstýrinum at finna loysnir, sum kunnu betra um viðurskiftini. Hetta fyri at avmarka ávirkanina á størv og fyritøkur.

Føroya Arbeiðsgevarafelag arbeiðir saman við Landsstýrinum við at finna loysnir, sum kunnu betra um viðurskiftini, hetta fyri at avmarka ávirkanina á størv og fyritøkur. 

Føroya Arbeiðsgevarafelag heldur, tað hava stóran týdning at fáa greiðu á, hvørji hjálparátøk landsstýrið ætlar at seta í verk, og ger felagið alt fyri, at hetta verður avgreitt í vikuskiftinum. Vit vóna og vænta tí, at politiska skipanin somuleiðis gera alt, sum gerast kann, soleiðis at hetta verður avklárað sum skjótast.