Uppteljingin av løgtingsvalinum er í gongd, og nú vantar bert úrslitið í Havn. Sambært forsøgn hjá Kringvarpinum stendur Miðflokkurin til at fáa tveir tingmenn valdar. Áðrenn úrslitið í Havn er talt við er Steffan Klein Poulsen á odda við 430 atkvøðum, meðan formaðurin Jenis á Rana er næstur við 416.
Tað stóra valstaðið er eftir, og tað kann flyta nógv. Kortini er Steffan Klein Poulsen fegin um stuðulin. Viðvíkjandi samgongumøguleikum sigur Steffan stutt, at Miðflokkurin fer at royna at koma inn aftur í hitan. -Eg veit ikki, hvussu stórur hann er, men kjansurin er har. Uttan at fara upp á kompromis við grundsjónarmiðini hjá flokkinum.
Vinarliga broyt tínar kennifíla - og privatlívsstillingar fyri at síggja hetta innihald