Innanlands

Russland útihýst frá altjóða ítróttartiltøkum í fýra ár

Tað er orsakað av dopingargøluni, og tað merkir millum annað, at Russland ikki kann luttaka til OL komandi summar og HM í fótbólti í 2022

Russiska flaggið verður ikki at síggja til olympsku leikirnar í Tokyo komandi ár. Nú hevur WADA, og IOC, fingið nóg mikið av skipaði dopingini (Mynd: EPA)

Russiska flaggið verður ikki at síggja til olympsku leikirnar í Tokyo komandi ár. Nú hevur WADA, og IOC, fingið nóg mikið av skipaði dopingini (Mynd: EPA)

2019-12-09 11:52 Author image
Agnar Prestá

WADA, altjóða felagið ið arbeiðir ímóti doping í ítrotti, hevur í dag tikið avgerð um at Russland ikki kann luttaka í altjóða kappingum komandi fýra árini.

Doping hevur verið til staðar í russiskum ítrotti leingi, og nógvir íðkarar í ymsu ítrottargreinum eru fangaðir og dømdir. Trupulleikin hjá WADA er, at russiskir ítrottar mynduleikar ikki hava gjørt nakað fyri at betra um støðuna og hava heldur hjálpt íðkarum, ið hava nýtt doping við at geva skeiv tøl víðari til WADA.

Revsingin er hørð, og er sum skilst galdandi fyri allan altjóða ítrott. Tó kunnu einstakir íðkarar, ið kunnu prógva, at teir ikki hava verið dopaðir, luttaka til kappingar sum uttanveltaðair - ikki undir russiskum flaggi. Russland fær eisini møguleikan at luttaka til EM-endaspæli í fótbólti í 2020, ið liðið hevur spælt seg til. Har hava russaarar tveir heiadystir í Sankta Pætursborg.

placeholder
placeholder