SALT heiðrað við frímerkjaútgávu

Mánadagin 23. oktober verður hátíðarhildið, at Posta heiðrar SALT við frímerkjaútgávu.

Talan er um tvey frímerki, eitt á virði 21 krónur, og eitt á virði 61 krónur.

– Slíkar útgávur eru ikki á hvørjum degi, og má hetta sigast at vera ein viðurkenning av SALT sum einum av mentanarmiðdeplunum í Føroyum, skrivar SALT í tíðinsaskrivi.

– Ein frímerkjaútgáva merkir eisini, at kunning um SALT verður borin út um allan heim, á sjey ymiskum málum: føroyskum, donskum, enskum, týskum, fronskum, sponskum og kinverskum.

Hátíðarhaldið byrjar kl. 19.30, og dyrnar lata upp klokkan 19. Á skránni verður tónleikur frá Tvøroyrar Hornorkestur, og Ingun Nolsøe Olsen frá Posta hugleiðir um post og frímerki. Posta bjóðar eisini okkurt leskandi og munnbitar.