Sámráðingar byrja aftur í næstu viku

Sáttmálarnir hjá 15 fakfeløgum fóru úr gildi í oktober í fjør, og Lønardeildin hjá Fíggjarmálaráðnum hevur higartil havt samráðingar við Starvsmannafelagið, Lærarafelagið og felagið hjá sjúkrarøktarfrøðingunum.

Men ongar samráðingar hava verið síðan 19. desember, og í dag sigur Jan Mortensen, stjóri á Lønardeildini, við Kringvarpið, at samráðingar byrja aftur seint í næstu viku.

Miðað verður eftir at avgreiða lønarsáttmálan við stóru feløgini fyrst.