Teir tríggir flokkarnir, Javnaðarflokkurin, Tjóðveldi og Framsókn, hava samráðst síðan mikudagin um at skipa samgongu. Sunnukvøldið stutt fyri midnátt fóru flokkarnir hvør til sítt, og tá var samgonguskjalið so at siga liðugt.
Flokkarnir eru komnir saman aftur mánadagin. Síðan klokkan sjey um kvøldið hava teir viðgjørt málsøkjabýti og fóru fyri lítlari løtu síðan hvør til sítt. Sum skilst eru samgonguskjal og býti av málsøkjum komin heilt langt, men tað er ikki heilt liðugt enn.
Aksel V. Johannesen, samráðingarleiðari, skal í morgin á fund við Jógvan á Lakjuni, sum enn er løgtingsstjóri, at greiða frá, hvussu gongur við royndini at skipa nýggja samgongu.
Vinarliga broyt tínar kennifíla - og privatlívsstillingar fyri at síggja hetta innihald