Samráðingar verða tiknar uppaftur fríggjadagin

Nú verkfallið gongur á fjórðu viku eru líkindi fyri at okkurt fer at henda. Umboð frá arbeiðsgevarunum og arbeiðsgevarafeløgunum hava havt fund við Semingsstovnin fyrrapartin, og tey eru komin ásamt um, at samráðast aftur.

Tað verður tó ikki her og nú, tí partarnir eru samdir um at taka samráðingarnar upp aftur fríggjadagin klokkan 13, segði Terje Sigurðsson, semingsmaður, við FM1 fyri løtu síðan.

Sum tíðin gongur verður støðan mýkt so mikið, at partarnir nú halda tað vera ráðiligt at taka samráðingarnar upp aftur, segði Terje Sigurðsson.