Samráðingarnar eru farnar í gongd

Í gjár fekk Bárður á Steig Nielsen mandatið til at leiða samráðingarnar um nýggja samgongu

Fyrrapartin hittust flokkarnir á Gamla Apoteki, nú veruligu samráðingarnar byrja.

Bárður á Steig Nielsen sigur við Portalin, at flokkarnir eru samdir um summi viðurskifti, ósamdir um summi, og nú skulu knútarnir loysast. Formaðurin í Sambandsflokkinum var bjartskygdur, men kundi ikki siga nakað ítøkiligt um, hvussu leingi samráðingarnar fóru at taka. Í dag fóru flokkarnir tó at sita eina løtu - fyrst saman og so hvør sær.

Lagið tykist at vera gott á nývaldu tingfólkunum. Øll uttan Bill Justinussen úr Miðflokkinum vóru til staðar beint eftir klokkan 11.