Samgongusamráðingar eru millum Javnaðarflokkin, Tjóðveldi og Framsókn um at skipa nýggja landsstýrissamgongu eftir løgtingsvalið 8. desembur.
Fyrr í dag vóru fýra knútar eftir. Fyri løtu síðan var ein knútur eftir. Nú sigur Aksel V. Johannesen, at flokkarnir eru komnir ásamt um innihaldið í einum samgonguskjali. Tey góvust umleið klokkan 18.30 í kvøld, og nú eru tey farin hvør til sítt.
Ætlanin er so at møtast aftur í morgin klokkan 11. Tá er ætlanin at samanskriva alt tilfarið og fáa tað niður á pappír. Mann ætlar altso at gera eina kladdu til eitt samgonguskjal. Tað verður gjørt í morgin, leygardagin, og kanska eisini sunnudagin.
Gongur tað væl, so er málsøkjabýti eftir, og tað kann eisini vera trupult og drúgt.
Vinarliga broyt tínar kennifíla - og privatlívsstillingar fyri at síggja hetta innihald