Sangfagnaðurin fultteknaður eftir fáum minuttum

- Vit fegnast um, at tað framvegis er so stórur áhugi fyri sangfagnaðinum. Hetta er tíggjundi sangfagnaðurin, og tí fara vit at gera eitt sindur eyka burturúr í ár. 

Hetta sigur Vivian Ole-Jacobsen, sum er leiðari fyri barna- og familljuarbeiðið hjá Heimamissiónini, við heimasíðuna hjá Trúboðanum.

Sí eisini: Sangfagnaður í Nesvík fyri 10. ferð

Sangfagnaðurin er eitt av ógvuliga vælumtóktu tiltøkunum, sum eru í Nesvík. Í síðstu viku bar til at melda til Sangfagnaðin 2026 - í nakrar minuttir.

Tað var skjótt fultteknað, staðfestir trubodin.fo.

Børnini venja í nakrar dagar, og konsert verður í Nesvík leygardagin tann 17.oktobur, har sangfagnaðarkórini fara at framføra.

Video frá sangfagnaðinum í fjør sæst her

(Youtube/Trúboðin)