SAS ger tríggjar túrar til Føroya um vikuna

Skandinaviska flogfelagið SAS hevur Føroyar við á listanum yvir ferðamál, tá uttanríkisflúgvingin hjá felagnum verður tikin uppaftur.

Tað skrivar flogferðamiðilin InsideFlyer í dag.

13 rutur til og úr Keypmannahavn og Arlanda verða tiknar uppaftur 15. juni, harímillum rutan til Føroya, sum verður flogin týsdag, hósdag og sunnudag. 20. juni varða átta uttanríkisrutur afturat uppafturtiknar úr Keypmannahavn, Arlanda og Oslo.