Seinasta skotið verður hósdagin

Seint hóskvøldið fór fyrsti borurin ígjøgnum í Sandoyartunlinum, og nú er greitt, at seinasta skotið verður hósdagin í komandi viku.

Sí eisini: Hol ígjøgnum í Sandoyartunlinum

Tað sigur Jørgin Niclasen, landsstýrismaður í dagføring á Facebook.

Hann sigur, at hann hevði fingið 94 ára gomlu Harriet Krog Jensen av Sandi at skjóta seinasta skotið saman við sær. Men nú er hann raktur av koronu, og ivast hann ikki í, at hon klárar skotið sjálv, um honum berst frá.