Seingjarplássini á koronadeildini verða færri

Margit Stórá, varastjóri á Landssjúkrahúsinum, kunnaði á tíðindafundinum hjá heilsuverkinum um støðuna á størsta sjúkrahúsinum í landinum. 

- Hetta hevur kravt nógv av okkum, tí frá 12. mars hava vit umlagt alt okkara virksemi, og nógvar útsetingar hava verið 

Margit Stóra upplýsti, at 70-80 prosent færri skurðviðgerðir hava verið enn vanligt seinastu tíðina. Tó hava áleið 6 útav 10 viðtalur verið sum ætlað (ikki øll tølini eru heilt greið enn)

Hon segði, at hon er ovfarin og takksom fyri, at sjúklingar hava víst so størt tol í støðuni. Eisini gjørdi Margit Stóra greitt, at alt verður gjørt fyri, at eingin sjúklingur ella sjúklingabólkur dettur niður ímillum

Les eisini: Vit hava fingið bilbukt við virusið sum eitt tað fyrsta landið í Vesturheiminum

Tíðliga í tilgongdini noyddust 15 starvsfólk á einari deild á Landssjúkrahúsinum í sóttarhald, tí eitt starvsfólk á deildini hevði fingið staðfest smittuna. Síðani varð farið undir at arbeiða í smáum toymum, og hetta hevur sambært Margit Stóra eydnast væl, tí smittan hevur ikki spreitt seg á Landssjúkrahúsinum, og
deildirnar hava verið væl mannaðar

Færri seingjarpláss á koronadeildini

- Sjey sjúklingar hava verið innlangdir á koronadeildini – tó hevur eitt “flow” verið, tí áleið 80 hava verið framvið har, sum ikki hava havt tørv á at verða innløgd.

Nú verur tað skorið niður. Nú verða trý seingjarpláss ístaðin fyri sjey. Hetta fer at geva nøkur seingjarpláss tøk aðrastaðni á Landssjúkrahúsinum. 

Margit Stóra upplýsti eisni, at øll ambolatorium lata upp aftur 1. mai. Tó kemur ikki full ferð aftur ikki á virksemi beinanvegin. Talið av vitjandi, avvarðandi og øðrum, verður framvegis avmarkað.