Sirið Stenberg tekur uppskot aftur

Málið um arbeiðsfremjandi tiltøk er tikið av skrá.

Sirið Stenberg, landsstýriskvinna í almanna- og mentamálum hevur í morgun sent løgtinginum eina fráboðan um, at hon tekur uppskotið um arbeiðsfremjandi tiltøk aftur, og verður tí eingin viðgerð av málinum í Tinginum í dag.

- Eg ásanni, at eitt so stórt mál krevur eina størri viðgerð áðrenn broytingar verða gjørdar, sigur hon.

Uppskot um arbeiðsfremjandi tiltøk ger stór inntriv í gerandisdagin hjá fólki, og eigur tí ikki at vera partur av einari fíggjarlóg. Málið krevur eina størri viðgerð, og tí er málið tikið aftur, sigur Sirið Stenberg landsstýriskvinna í Almanna- og Mentamálum.