Jógvan Jákupsson
Fyrst varð roynt at skipa samgongu millum Javnaðarflokkin, Sambandsflokkin og Framsókn. Roynt varð at viðgera tær stóru ósemjurnar fyrst. Tann royndin kollsigldi, tí ósemja var millum Sambandsflokkin og Framsókn.
Í morgun varð roynt av nýggjum við eini aðrari samanseting millum Javnaðarflokkin, Tjóðveldi og Framsókn. Trý fólk vóru fyri hvønn flokk. Tá fundurin endaði eitt sindur áðrenn døgurða fingust fólk ikki at siga, hvussu tað hevði gingist. Flokkarnir fóru hvør til sítt at viðgera støðuna og skuldu hittast aftur eftir døgurða.
Klokkan eitt komu flokkarnir saman aftur í løgtinginum. Enn er einki ítøkiligt at frætta. Kortini er greitt, at nú eru fleiri fólk við á fundi. Fyri Framsókn møttu ið hvussu so er tey fýra næstu á listanum umframt tey trý, sum vórðu vald fyri flokkin.
Í løtuni sita tey í fleiri fundarhølum, og tað ljóðar, at tey viðgera ymisk evni. Sostatt eru ábendingar um, at samráðingarnar nú eru meiri ítøkiligar, enn tær vóru í morgun.
-
Samráðst verður í bólkum í ymiskum fundarhølum (Mynd: Sverri Egholm)
-
Dennis Holm, nývaldur tinglimur fyri Tjóðveldi er við í samráðingunum (Mynd: Sverri Egholm)
-
Uni Holm Johannesen og Bjarni Hammer, tingmenn fyri Javnaðarflokkin (Mynd: Sverri Egholm)
-
Liljan Weihe er annað varðafólk fyri Tjóðveldi, og er eisini boðsend til samgongusamráðingarnar. Aftanfyri Margit Stórá, sum gjørdist níggjundi tinglimurin hjá Javnaðarflokkinum (Mynd: Sverri Egholm)
-
Høgni Hoydal (Mynd: Sverri Egholm)
-
Hanna Jensen er ein av teimum, sum ikki var á fundi í morgun, men sum er við í samgongusamráðingunum. (Mynd: Sverri Egholm)
-
Samráðingarleiðarin hevur nógv at hugsa um í hesum døgum (Mynd: Sverri Egholm)
-
Karlot Hergeirsson er fyrsti varðamaður á tingi fyri Framsókn (Mynd: Sverri Egholm)
Vinarliga broyt tínar kennifíla - og privatlívsstillingar fyri at síggja hetta innihald