Sitandi forsetin í Bolivia lovar at útskriva nýval

Sunnudagin legði Evo Morales frá sær sum forseti í Bolivia eftir fleiri vikur við ófriði í landinum. Evo Morales, sum var forseti í næstan 14 ár, er í dag ávegis til Meksiko, har hann hevur fingið friðskjól, skrivar Jyllands-Posten.

Les eisini: Forsetin í Bolivia lagt frá sær

Andstøðupolitikarin og næstformaðurin í senatinum, Jeanine Anez hevur síðani tikið yvir sum sitandi forseti, og hevur hon lovað fólkinum, at hon fer at útskriva nýval.

Sambært stýrisskipanini í Bolivia, skal sitandi forsetin útskriva val innan 90 dagar.

Orsøkin til, at Anez er vorðin sitandi forseti er, at bæði varaforsetin og formaðurin fyri senatið løgdu frá sær saman við Morales.