Sjey 2. viðgerðir og ein 1. viðgerð í dag

Í dag verður nógv á skránni í tinginum. Talan er um sjey 2. viðgerðir, eina 1. viðgerð, eina framløgu, umframt umrøðu av fyrispurningi hjá Høgna Hoydal.

Millum tey mál, sum skulu viðgerðast í dag eru uppskot um koronastuðul til listafólk, hvørs tiltøk eru avlýst ella nógv avmarkað vegna almennu tilmælini, uppskot um heimild at skjóta grágás, uppskot um almennar lønarkontur, og uppskot um at broyta miðlastuðulin til verkætlanarstuðul.

Skrivligi fyrispurningurin hjá Høgna Hoydal úr Tjóðveldi er til Bárð á Steig Nielsen, løgmann, og snýr seg um val av limum í nevndir og ráð síðan løgtingsvalið 2019.

Tingfundurin byrjar klokkan 11.