Sjómansmissiónin skipar fyri minningarhaldi í Havn

Í dag, 1. november, er allahalgannadagur og eisini minningardagur teirra sjólátnu. Sum siður er, so skipar Føroyska Sjómansmissiónin tí í dag fyri minningarhaldi teirra sjólátnu.

Minningarhaldið verður á Vinnuháskúlanum í Havn klokkan 14.

Bárður á Steig Nielsen, løgmaður, talar, og Bergtórur Hjelm Bjarkhamar, prestur, hevur andakt.

Aftaná verður farið niðan í viðarlundina, har løgmaður leggur krans vegna Føroya fólk, og prestur hevur bøn og lýsir signing.