Innanlands

Sjúkrahúsini lata upp aftur fyri vitjandi

Mánadagin verður aftur møguleiki at vitja síni kæru á sjúkrahúsunum kring landið

(Mynd: Sjúkrahúsverk Føroya)

(Mynd: Sjúkrahúsverk Føroya)

2021-01-15 13:57 Author image
Sverri Egholm
placeholder

Sjúkrahúsini hava seinastu tíðina havt afturlatið fyri vitjandi. Hesar avmarkingar fara úr gildi mánadagin 18. januar, tá sjúkrahúsini lata upp aftur fyri vitjandi.

Mint verður á, at tey sum hava verið uttanlands tó ikki skulu koma á sjúkrahúsi fyrr enn tey hava fingið negativt svar uppá koronukanning á sætta degi.

Tá koronasmittan tók seg upp aftur um jóltíðir vórðu ymisk tiltøk sett í verk fyri at minka um smittuvandan inni á sjúkrahúsunum. Tað hevði millum annað við sær, at avvarðandi ikki hava havt somu møguleikar at vitja á deildunum.

- Tamarhald tykist tó vera á smittuni og nýggju tilburðirnir hava hug at fækkast, og tí hevur Sjúkrahúsverkið valt at seta úr gildi tiltøkini. Tekur smittan seg upp aftur, kunnu tillagingar aftur koma fyri, sigur Sjúkrahúsverkið.

Mint verður á almennu tilmælini um frástøðu og reinføri.

placeholder
placeholder