Skaðar fyri 3,5 milliónir krónur í Kalbak og á Sundi

Í illveðrinum seinast í februar vóru stórir skaðar kring landið. Eitt øki, ið varð rakt, var í Kalbak og á Sundi: Brimskaði kom á bryggjuna á Sundi, omankoyringina til oljubryggjuna og á grundøkið undir Ocean Rainforest.

Hesir skaðarnir eru mettir til 3,5 miliónir krónur, boðar Tórshavnar kommuna frá, ið eisini skrivar, at tryggingarendurgjald verður kannað í løtuni; tað er ivamál um, júst hvussu nógvar skaðar talan er um.

Vinnunevndin í Tórshavnar kommunu hevur eftir uppskoti frá havnameistaranum samtykt at umvæla skaðarnar, soleiðis at umvælingin verður liðug í summar.