Skift hølini út við ein hjall

- Vit hava skift hølini út við ein fittan hjall. So framyvir verður potað í sjúkrahúsgarðinum, ið liggur oman frá Víkavegnum.

Hesum boðar Klaksvíkar Sjúkrahús frá. 

Áður eru kanningarnar fyri korona í Klaksvík gjørdar norðanfyri starvsfólkabygningin við Víkavegin. Klaksvíkar Sjúkrahús hevur gjørt kanningar í beint undir tveir mánaðir, og potað verður millum kl 10 og 11 hvønn gerandisdag.

Klaksvíkar Sjúkrahús skrivar, at ávísing skal til frá kommunulæknanum fyri at verða potaður.