Skuldsettur fyri rúsdrekkakoyring í sambandi við ferðsluóhapp í Leirvík

Ein bilførari er skuldsettur fyri rúsdrekkakoyring í sambandi við ferðsluóhappið í Leirvík leygarkvøldið, upplýsir løgreglan í morgun.

Tað var tíðliga leygarkvøldið, at Leirvíkstunnilin varð stongdur eina løtu í sambandi við, at ein bilur hevði rent á tveir aðrar bilar.

Talan var um tvey ferðsluóhapp. Bilurin rakti fyrst síðuna á einum mótkoyrandi bili inni í tunlinum, koyrdi víðari og rendi so frontalt á ein annan bil uttanfyri tunnilin. Seinni bilurin, sum varð ákoyrdur fekk stóran skaða.

Sjey fólk vóru í ferðsluóhappinum, og trý fólk vóru flutt á sjúkrahúsið, upplýsti løgreglan leygarkvøldið, men í morgun verður sagt, at eingin teirra fekk skaða.

Umframt at vera skuldsettur fyri rúsdrekkakoyring fær bilførarin helst onkra skuldseting afturat