2020-04-12 20:18
Agnar Prestá
Agnar Prestá
20. apríl lata dagstovnarnir kring landið upp aftur. Síðani Føroyar fóru niður í ferð fyri einum mánaði síðani, hava dagstovnarnir bert verið opnir fyri teimum, ið hava tørv á "neyðansing".
Klaksvíkar kommuna skrivar páskadag á heimasíðu sínari, at fyri at kenna rætta tørvin á dagstovnaøkinum eftir páskir, verður heitt á foreldur um at bíleggja pláss í neyðansingarskipanini í viku 16 (14. til 17. apríl), um tørvur er á tí.
Hetta verður gjørt fyri, at kommunan best møguligt kann meta um verðuliga tørvin, soleiðis at arbeiðið á dagstovnaøkinum kann verða lagt til rættis eftir ti, skrivar kommuna.
Fráboðanin skal vera kommununi í hendi í seinasta lagi tveir dagar frammanundan ynskta ansingardag.
Vinarliga broyt tínar kennifíla - og privatlívsstillingar fyri at síggja hetta innihald