Skulu fáa greiðu á hví eldur kom í

Um middagsleitið í gjár komu boð um, at eldur var i pitsastaðnum Pizza No1 í Vágsbotni.

Heitt varð á fólk um at halda seg burtur frá økinum, meðan sløkkiliðið sløkti eldin. Hetta gekk skjótt og væl - eina løtu var vegurin millum Vágsbotn og Skálatrøð tó stongdur fyri ferðslu.

Sí eisini: Dagført: Nú er koyrandi aftur

Sí eisini: Ongin var inni tá eldur kom í

Mynd: Sverri Egholm

Tað stóð greitt, at eldurin kyknaði í køkinum, og at onkur smávegis roykskaði er hendur á hæddunum omanfyri. 

Nú skal tó veruliga fáast greiða á, hví eldur kom í. Vaktleiðarin á løgreglustøðini í Havn fegnast fyrrapartin um, at tamarhald kom á støðuna skjótt. Hann staðfesti tó eisini, at kanningararbeiði nú skal í gongd.