Sløkkiliðini úr at gera um vikuskiftið

Løgreglan og sløkkiliðini kring landið hava havt úr at gera um vikuskiftið. Fyrrapartin og nakað út á seinnapartin í gjár vóru nógvar fráboðanir, men í nátt kom bara ein.

Fyrsta fráboðanin um stormskaðar kom leygarkvøldið klokkan 23, og tað helt fram til sunnudagin seinnapartin.

Serliga í Sandavági og Miðvági vóru nógvir skaðar.

Sí eisini: Skaðamyndir úr Sandavági (jn.fo)

Nógvastaðni vóru tekjur sum rivu og fuku, rútar sum vórðu trýstir inn, garðar sum vórðu koppaðir, og skorsteinar.

Í nátt kom bara ein fráboðan. Hon var úr Vági, har takplátur fuku í vindinum. Óvist var, hvar hesar komu frá.

Les eisini: 41 fráboðanir um stormskaðar