Í gjárkvøldið kom fráboðan um, at ein lítil eldur var komin úr skorsteininum á Smyrli, og at strandfaraskipið harvð varð lagt fyri kvøldið.
Tað var á veg suður á Krambatanga - klokkan 17.42 - at fráboðan kom frá skiparanum á Smyrli, at trupulleikar vóru við útstoytsrørinum frá høvuðsmotori 2, sum skapti nógvan royk í skorsteinsrúminum.
Heimasíðan hjá Strandferðsluni skrivarn, at staðfest var seinni, at leki var á einum hydrauliktanga, og at olja lak niður á bjálvingina í skorsteininum, so at tað logaði nakað. Motorurin varð tí sløktur restina av túrinum.
- Talan var ongantíð um nakra vandastøðu, og so skjótt sum Smyril var komin á Krambatanga, var farið undir at umvæla brekið. Smyril kundi tó ikki sigla restina av kvøldinum og vóru túrarnir kl. 18:45 av Krambatanga og 21:15 av Havnini avlýstir.
Hetta hevði so við sær, at nógv ferðafólk ikki sluppu, har tey ætlaðu sær í gjárkvøldið. Fyri tey, sum vóru eftir í Suðuroynni, hevði tað ymiskar avbjóðingar við sær, ið tó vórðu loystar við gestablídni og hjálpandi hondum:
- Millum ferðafólkini á Krambatanga var heilt fitt av útlendskum ferðafólki, sum leitaðu sær innivíst runt í oynni. Onkur ferðandi skuldu við flogførum úr Føroyum í morgin tíðliga og við hjálp frá bátum úr Hvalba, sloppu hesi inn á Sand og viðari við bygdaleiðum og Teistanum.
Silgt varð av Krambatanga aftur klokkan 05 í morgun. Alt gekk sum ætlað, og Smyril siglir nú eftir ferðaætlanini.
Vinarliga broyt tínar kennifíla - og privatlívsstillingar fyri at síggja hetta innihald