Smyril siglir tveir túrar í dag

- Smyril siglur úr Suðuroynni til Havnar kl. 16:00 og úr Havnini aftur kl. 19:00 í dag, týsdag 4. januar. Síðani verður ikki siglt meir fyri dagin

Soleiðis skrivar Strandferðslan um Suðuroyarleiðina á heimasíðu sínari. Smyril hevur ikki siglt sínar fyrstu tveir túrar í dag vegna veður, men fer at sigla hinar báðar ætlaðu túrarnar seinni og síðani sambært ferðaætlanini í morgin, tá veðrið verður betri. 

Siglingin er tikin uppaftur á fleiri leiðum, millum annað leið 60 (Skopun-Gomlurætt) og millum Nólsoy og Tóshavn, har byrjað varð aftur 12.30, og har ætlanin er at halda ferðaætlanina, tað ið eftir er av degnum.

Eingin sigling er í løtuni millum Klaksvík og Syrðadal, men í minsta lagi ein túrur aftur og fram verður í kvøld. 

Bussarnir hjá Bygdaleiðum standa framvegis, og soleiðis verður helst restina av degnum. Marin Gaardlykke, ferðslusamskipari hjá SSL, segði við Kringvarpið í døgurðatíðindunum, at farið verður bert í gongd at koyra, um tað er ráðiligt í mun til veðrið.

Sí eisini: Bussarnir hjá Bygdaleiðum standa í dag

Sí yvirlit á ssl.fo