Springarabólkur svimur millum oyggjarnar

Helst sami bólkur av springarum, sum tíðliga seinnapartin varð sæddur út fyri Rituvík, er nú í Sundalagnum, og er út fyri Hvalvík.

Ein rúgva av forvitnum fólki steðga á við bilinum, og eygleiða springararnar. Fleiri høvdu ivaleyst hjálpt um teir vóru hildnir til, men fyri einum góðum mánaða síðani, tóku sýslumenninir støðu til at eingin grind skuldi haldast til.

Hetta so leingi tilmælini um frástøðu eru galdandi.

Mynd tikin í Sundalagnum fyri løtu síðani (Mynd: Jóanis Albert Nielsen / Jn.fo)

– Vit virða tilmælini, so hon verður ikki hildin til, segði Karl Johansen, sýslumaður, við Portalin fyrr í dag.

Mett verður, at talan er um fleiri enn 200 springarar.