Tveir persónar steðgaðir í tollinum við 800.000 krónum í viðførinum

Tveir føroyskir íbúgvar við útlendskum uppruna vórðu í morgun, 27. oktober 2020, steðgaðir á flogvøllinum. Teir vóru ávegis av landinum við 800.000 krónum í viðførinum - talan var um evruseðlar.

Tolleftirlitið legði hald á peningin, og Toll upplýsir, at illgruni er um, at peningurin stavar frá narkosølu og hvítvasking.

Málið er nú latið løgregluni og verður kannað viðari.