Steintóra nýggj forkvinna í Prestafelagnum

Steintóra Gleðisheyg Joensen er nýggj forkvinna í Prestafelag Føroya.

Á aðalfundi í felagnum herfyri stillaði formaðurin seinastu 14 árini, Theodor Eli Dam Olsen, ikki uppaftur. Hann hevur verið í nevndini síðan 2008.

Símun Persson Jacobsen varð afturvaldur, og Maria Jørðdal Niclasen helt eisini fram. Hon stóð ikki fyri vali hesaferð. Nýggj í nevndini er Steintóra Gleðisheyg Joensen, og Heri J. Joensen varð afturvaldur sum tiltakslimur.

Nýggja nevndin hevur skipað seg við Steintóru Gleðisheygg Joensen sum forkvinnu, Símuni Perssyni Jacobsen sum næstformanni og Mariu Jørðdal Niclasen sum kassameistara.

Prestafelag Føroya er fakfelag prestanna í Føroyum og hevur samráðingarrættin við Fíggjarmálaráðið.