Á løgtingsvalinum í 2019 fekk Bjarni Hammer 271 atkvøður og kom á ting sum nummar sjey fyri Javnaðarflokkin. Uppteljingin er ikki liðug, og higartil hevur javnaðartingmaðurin fingið 406 atkvøður, og tá vanta tølini fyri Havnina. Javnaðarflokkurin stendur í løtuni til at fáa 9 tingfólk.
Hóast, at úrslitið ikki er liðugt enn, so væntar hann, at hann er valdur inn hesuferð, sum er sera fegin um at hava fingið 301 atkvøður bara á Tvøroyri.
- Nú stendur Suðuroyggin fremst og má raðfestast. Okur vórðu bombað 50 ár aftur í tíð, tá Smyril fór á dokk og okur fingu Herjolf.
Tað er eisini trupult at fáa fígging at byggja hús, og tað má mann gera nakað við, sigur tingmaðurin millum annað.
- Annars snýr tað seg um at finna út av, hvønn mann kann samstarva við og royna at telja upp í 17. Men einki er avgjørt, fyrr enn úrslitið í Havn er klárt.
Vinarliga broyt tínar kennifíla - og privatlívsstillingar fyri at síggja hetta innihald