Stór jólakonsert í Vágs kirkju í annaðkvøld

Í morgin, hóskvøldið 21. desembur fara jólasangir, tónleikur og sálmar at ljóma í Vágs kirkju. Tað eru lokalir tónleikarar, sum saman við øðrum hava tikið stig til hesa jólakonsert, nú tað veruliga stundar til jóla.

Tey, ið koma at syngja og spæla eru: Hans Jacob Hjelm, Runi í Lágabø, Bergur Gudmundsen, Hjalmar Magnussen, Dagfinn Olsen, Evi Tausen og Gudmund Larsen.

Stutt jólaandakt er eisini á skránni umframt at unga Ásgerð Stenberg Olsen kemur at spæla pre- og postludium á tvørfloytu. Hesar seinastu dagarnar hava tónleikarnir vant til jólakonsertina og kemur konsertskráin at bera brá av siðbundnum føroyskum jólasangum og sálmum umframt eisini enskum jólasálmum.

Fyrireikararnir siga eisini, at teir vænta at okkurt nýtt tilfar verður á skránni hóskvøldið.

Konsertin byrjar klokkan 19. Tá ið konsertin er liðug verður møguleiki at lata eitt oyra til fíggjarliga sperdar familjur.