Stórur valfundur í Klaksvík í kvøld

Valstríðið hitnar, nú bert ein vika er til kommunuvalið 2024. Í einari av størstu kommuni í landinum merkist tað meira og meira, og í kvøld verður stórur valfundur í Varpinum.

Norðlýsið boðar frá, at øll 41 valevnini sleppa framat. Møguleiki verður fyri at seta spurningar, og tað kann gerast talan um eitt drúgt kvøld: Millum tveir - tríggjar tímar sigur Jóhann Lützen, blaðstjóri og orðstýrari við Kringvarpið.

Seks evni vera til orðaskifti. Eldraøki, vinna og vinnumøguleikar, umhvørvi og býarskipan, trivnaður og mentan, fíggjarstøðan hjá Klaksvíkar kommunu og Bygdirnar og ferðavinnan.

Byrjað verður klokkan 19. Hetta verður einasti almenni valfundur í Klaksvík áðrenn valið. Norðlýsið stroymir fundin á nordlysid.fo.