Strandferðslan: Ikki loyvt at sita í bilinum undir sigling

Strandferðslan sendi í gjár út nýggj boð um hvussu nógv kunnu sigla við strandfaraskipunum undir serligu tiltøkunum, sum eru sett í verk í sambandi við korona-støðuna.

Her varð boðað frá, at fólk eisini kundu sita í bilunum umborð á Smyrli og Sam undir sigling.

Hetta er nú tikið aftur. Tað er ikki loyvt at sita í bilinum á bildekkinum á Sam og Smyrli. Tó kann loyvast fólki at sita í bilinum í serligum førum umborð á Smyrli, ”har tað er mett neyðugt fyri at verja menning og ferðafólk ímoti smittuvanda”, boða Strandfaraskip Landsins frá í dag.