Streymurin komin aftur í støðum

Á middegi fór streymurin um alt meginøkið, og SEV arbeiðir enn við at rætta brekið.

Jón Nielsen, deildarleiðari á rakstrardeildini hjá SEV, segði við Kringvarpið, at tað fór at taka hálvan til ein tima at fáa streymin aftur.

Fleiri hava nú fingið streymin aftur, m.a. í Klaksvík og í høvuðsstaðnum, men enn verður arbeitt við málinum á SEV.

Av SEV verður sagt, at tey enn ikki kenna orsøkina til streymslitið, og tað er møguligt, at streymurin kann fara aftur.