Alda Nielsdóttir
Suðurkoreanska løgreglan hevur ikki givin við royndunum at fáa frákoyrda forsetan Yoon Suk-yeol handtiknan.
Fríggjadagin forðaðu trygdarfólk løgregluni í at fáa atgongd til bústaðin hjá Yoon, og nú hevur løgreglan heitt á virkandi forsetan um at geva trygdarfólkunum boð um at loyva løgregluni at sleppa framat.
Les eisini: Suðurkorea: Royndu til fánýtis at handtaka forsetan
Yoon Suk-yeol varð sendur til hús, eftir at ríkisrættarmál varð reist móti honum, og fíggjarmálaráðharrin, Choi Sang-mok, er sitandi forseti í Suðurkorea í løtuni.
Yoon verður kannaður í sambandi við hernaðarligu undantaksstøðuna, sum hann lýsti 3. desember. Hann er fýra ferðir kallaður inn til avhoyringar í hesum sambandi men hann møtir ikki upp, og tí vórðu boð givin um at handtaka hann.
Vinarliga broyt tínar kennifíla - og privatlívsstillingar fyri at síggja hetta innihald