placeholder
Innanlands

Suðuroyartunnilin á breddan

Almennur fundur á miðnámsskúlanum í annaðkvøld

2019-12-02 13:15 Author image
Ingi Samuelsen
placeholder

Í annaðkvøld, týskvøldið 3. desember, fer Miðnámsskúlin í Suðuroy at seta ætlaða tunnilin til Suðuroyar á breddan.

Talan er um almennan fund undir heitinum ”Suðuroyartunnlin – møguleikar og loysnir anno 2020”. Endamálið við fundinum er at varpa ljós á hvussu Suðuroyartunnil kann gerast, og hvat skal til fyri at Suðuroyartunnilin kann borast í framhaldi av Sandoyartunlinum.

Á fundinum verða framløgur frá umboðum fyri NCC og fyri Eystur-og Sandoyartunlar, umframt at framløga verður um støðuna í Suðuroynni.

Eftir at Guðrið E. Johansen, rektari á miðnámsskúlanum hevur bjóðað vælkomin fer Dennis Holm, borgarstjóri og samfelagsfrøðingur at greiða frá Støðuni í Suðuroynni. Eftir tað fer Kristian Stórhamar, umboð fyri NCC at greiða tosa um “Undirsjóvartunlar anno 2020” áðrenn stjórin fyri Eystur- og Sandoyartunlar, Teitur Samuelsen fær orðið til at greiða frá “uppskoti til ætlan fyri ein Suðuroyartunnil”.

Eftir framløgurnar verður høvi at seta spurningar. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder