Alda Nielsdóttir
Landskassin hevur nú útgoldið meira enn 3,4 mió. krónur í stuðul til fyritøkur, sum hava mist inntøkur orsakað av korona.
Sambært nýggjastu hagtølunum hjá TAKS frá fríggjadegnum eru nú 75 stuðulsumsóknir avgreiddar.
Av teimum 75 fyritøkunum, søgdu 59 seg hava mist millum 60 og 100 prosent av umsetninginum.
Stuðulskipanin hjá TAKS er partur av hjálparpakka 2, og stuðul verður latin til fastar útreiðslur.
Fyri fyritøkur, sum hava mist millum 40 og 60 prosent av inntøkuni, er stuðulin 50 prosent av føstu útreiðslunum. Hevur ein fyritøka mist millum 60 og 100 prosent av inntøkuni er stuðulin 75 prosent. Tó er mesti stuðulin 80.000 krónur um mánaðin.
Hægsta útgjaldið er 214.012 krónur, og tað lægsta er 4.421 krónur. Stuðulin er í miðal 46.157 krónur.
Vinarliga broyt tínar kennifíla - og privatlívsstillingar fyri at síggja hetta innihald