Tamarhald á støðuni á Strondum

Nógv løgreglufólk hava seinnapartin verið á Strondum í økinum við bátahylin. Løgreglufólk vóru eisini alvápnað, og sambært FM1 vóru byrsuhóttanir.

Men løgreglan hevur tamarhald á støðuni.

- Vit hava tamarhald á støðuni. Tað er talan um ein mann sum ikki hevur tað so gott, og vit hava ikki hug til at tosa meira um tað, sigur Rúni Vesturklett, løgreglumaður á staðnum, við útvarpið klokkan 17.

- Nú taka vit okkum av manninum, segði hann.

Eingin er komin til skaða í sambandi við hendingina.

Enn eru vegirnir í økinum byrgdir av.