Tannheilsan hjá føroyskum børnum batnar

Nýggja kanningin vísir, at tannheilsan hjá føroyskum børnum er í støðugum bata, hóast tað eisini verður staðfest í frágreiðingini, at tannheilsan kann gerast uppaftur betri. Hetta skrivar heimasíðan hjá Heilsumálaráðnum.

Frágreiðingin sæst her

Skrásetingarnevndin leggur í frágreiðingini dent á, at talið av børnum við álvarsomum karies (torleikastøði 3-4) skal minka og at talið av børnum, sum hava frískar tenn (torleikastøði 1), skal vaksa.

Kanningin er gjørd yvir 28 ár - frá 1991 til 2019. Tað eru børn, sum hava verið í aldrinum 5 til 15 ár, ið eru kannaði.

Skrásetingarnevdin ynskir eisini at fáa hagtøl fyri tannheilsuna hjá vaksnum.

Eisini vísir skrásetingarnevndin á, at tørvur er á at fáa hagtøl fyri kariesstøðuna hjá vaksnum. Ynski er at fáa tal av frískum, brendum, fyltum og trektum tonnum, umframt handilstonnum og implantatum hjá vaksnum í Føroyum. Sjúkur í tannhaldinum eru ofta atvoldin til, at eldri fólk missa tenninar, og tí er týdningarmikið eisini at skráseta tannhaldssjúkur. Skrásetingarnevndin heitir á Tannlæknafelagið og privatu tannlæknarnar í samráð við Heilsutrygd, at arbeiða víðari við at fáa hagtøl til vega fyri tannheilsuna hjá vaksnum eisini.