Sum skilst rendi Ternan á land í Nólsoy seint seinnapartin. Tó gekk skjótt at fáa skipið leyst aftur.
Strandferðslan skrivar á heimasíðuna, at eingin sigling er á nólsoyarleiðini í løtuni. Skipið er leyst og hevur lagt at bryggju í Nólsoy, og bíðað verður eftir kavarum, ið skulu kanna botnin. Men hvussu verður við siglingini á leiðini í kvøld er framvegis ógreitt.
Í meðan kavarar kanna botnin á Ternuni fer Rescue Lív í sigling á leið 90. Siglt verður soleiðis:
- Av Havnini kl. 18:00
- Úr Nólsoy kl. 18:15
- Av Havnini kl. 18:30
- Úr Nólsoy kl. 18:45
- Av Havnini kl. 19:00
Verður Ternan klár til fráferðina úr Havnini kl. 22:00 og úr Nólsoy kl. 22:25, siglur Ternan hesar túrar. Um Ternan ikki er klár til siglingina í kvøld, fer Rescue Lív at sigla hesar túrar.
Les eisini: Ternan á beding eftir páskir
Myndirnar hevur Evy Toftegaard Nielsen tikið.
Dagførd kl. 17.44
Vinarliga broyt tínar kennifíla - og privatlívsstillingar fyri at síggja hetta innihald